• 
  

• 
  

• ارواج مات من اليانتو وأخذتهم ليا فترة شاريتهم وماستخدمتهمش

• 
   لـ قبل أسبوع قلت نجربهم وطلعو احلى مما توقعت مقارنة بسعرهم الرخيص

• 
   من الألوان الثلاثه اعجبني لون واحد لما ينحط بروحه والثانيات لما نحط لون واحد مش حلو هلبة بس لما تخلطيهم يطلعلك لون حلو وغريب 

• 
  ومن عادتي ديما نخلط في الأرواج لنتيجة أحلى وللون مش متداولة ،،

• 
   بالنسبة لخامة الروج بعد ماتحطيه يجف ويعطي ملمس مخملي وحلو هلبة ومايقعدش يتلصق زي بعض الأرواج عيبه ان لازم تمسحيه بمزيل مكياج وقبله وبعده لازم ترطبي شفايفك 

• 
  ميزته ان يقعد ثابت لساعات طويلة شخصيا لو نمشي للمحل مره ثانية حانعاود نشريهم ونشري ألوان ثانية 🌸🌸🌸🌸🌸🌸🌸🌸🌸تقيمي ليه 7 من 10

تابعونى على الانستغرام : ETIDALBEAUTY

  التجربه الشخصية .. 

    قوام الزيت ..

اهلين بنات اليوم حانشرح موضوع مش أول مرة نتكلم عليه تكلمت عليه فى السناب شات اكثر من مرة ولكن هذه اول مرة نشرح الاندرتون فى المدونة

فى مرة شفتى فاونديشن وجربتيه فى المحل وعجبك ولما شريتيه وروحتى لقيتيه تغير لونه لرصاصى ؟؟
فى مرة لبستى بلوزة حمراء وطلعت تهبل عليك وبعدها عجبك قفطان احمر ولما لبستى ماطلعش عليك ؟؟

فى مرة عجبك اكسسوار لابساته اختك لونه حلو ولما لبستيه ماطلعش عليك ؟؟

او مرة شفتى لون صبغة على شعر فنانة وعجبك ولما درتيه ماطلعش عليك حلو ؟؟
فى مرة شفتى عدسات عجبوك على صاحبتك ولما لبستيهم ماعجبوكش ؟؟

مشاكل زى هذه كلنا مرينا بيها اكيييد والأغلب اساس المشكلة الرئيسى هو جهلنا بالاندرتون الخاص بينا وهذا يخلينا نختارو لبس ومكياج وعدسات والوان مش مناسبة لينا وماتطلعش علينا والنتيجة محبطة فى الاخير


من الصبح وانتى تتكلمى على الاندرتون شن هوا ؟؟؟؟


الأندرتون (Undertone) هو الصبغة المخفية في الجلد واللي تكون لون الجلد و تحدد لو كان الشخص يمتلك بشرة"دافئة" أو باردة"

مصطلح الأندرتون مختلف نهائيا على مصطلح لون الجلد (Skin tone) بحيث أن لون الجلد هو اللون الى نشوفو فيه  و اللي ممكن يتغير بعدة عوامل مثلا : 

- الحالة الصحية للبشرة تهيج البشرة أو استخدام أدوية معينة تأثر على لون الجلد 
- فصول السنة تغير لون البشرة من الشمس والعوامل المؤثرة 
- العمر مع تقدم العمر تكثر التصبغات والكلف والنمش 

المهم فى ان نعرفو الاندرتون الخاص بينا اننا نختارو الالوان اللى تليق بينا والاكسسوار والفاونديشن والملابس والصبغات والمناكير المناسبة لينا وأيظا الخلفية والاثاث المناسب ليك فى التصوير 

كيف نعرف الاندرتون متاعى وكيف نختار الالوان الصحيحة 


الاندرتون ينقسم لـ 3 انواع
اندرتون بارد cool
اندرتون دافى warm
اندرتون محايد neutral
زى اللى فى الصورة 


الاندرتون البارد 

الاندرتون الدافئ Warm




صور لاصحاب البشرة السوداء بأندرتون مختلف دافئ ومحايد (طبيعى) وبارد




                           صور لأصحاب البشرة الفاتحة بأندرتون مختلف دافئ ومحايد (طبيعى) وبارد




كيف نعرف الاندرتون الخاص بيا ؟؟

فى اكثر من اختبار لمعرفة الاندرتون الخاص بيك وطبعا مش لازم اديريهم كلهم باش تعرفى الاندرتون الخاص بيك


1- في الليل لما تكونى تعبانه ( أحسن وقت لأن في الصبح تكون البشرة قاعدة مش مصحصحة و نهاية اليوم تكون البشرة تعبانة)
إلبسي روب أبيض وغطى شعرك بفوطة بيضاء و الافضل تكون الخلفية بيضاء
وابدى شوفى روحك فى المراية وحاولى تكتشفى شن الالوان المخفية فى بشرتك ؟؟؟ شفتى اخضر او ازرق او اصفر يعنى بشرتك شن عاطية لون ؟؟ اكيد فى من يقول هذه شن تقول او شن تخرف بس اتبعو الخطوات حاولى تركزى على جسمك كله مش بس وجهك خاصة جيهة الرقبة وفوق الصدر وتحت ذراعك

 من العمليات الصعبة جدااا جدااا لو ماعرفتيش كيف تتعاملى مع شعر جسمك

من اسباب تشقق الشفايف الريح والصقع والجفاف خاصة اننا مانشربوش فى المية هلبة 

فى من بنات عادتهم يبللو فى شفايفهم بلعابهم هذا الشئ يسبب تشقق خصوصا لو كانو برا والجو صقع وريح 

ولما وحدة تحك شفايفها هلبة لما ادير سكراب هكى تسبب فى تشقق لشفايفها .

عض  الشفايف عن طريق الاسنان هلبة يديرو فيها من غير مايدرو فى اللى عندهم عادى زى عض الظوافر 

مرات يصير تلوث للشفاه وتخشلها البكتيريا عن طريق الحاجات اللى قلتها 

نشربو امية ل 8 طواسى امية على الاقل باش نحافظو على رطوبة جسبمنا وبشرتنا مش بس الشفايف 

اهلين بنات عودة من جديد
معقولة انى مانعرفش نمكيج ؟؟
نحس فى روحى مش زى البنات
نبى نعرف اسماء كل المنتجات فى المكياج وللبشرة زى كل البنات
لازم نكون نعرف كل شئ ونتعلم
نتعلم ؟؟ ايه تتعلمى واليوم حانبدو باعادة درس مصطلحات المكياج ومش عيب انك تتعلمى وحتى لو وصلتى للخمسين
بعد المقدمة هذه نتفكر زمان ماكنتش نعرف نمكيج بس نحاول كنت انى واختى كل ماتطلع ماما نبدعو فى المكياج صغيرين ويمكيجو عاد لين كبرنا وفينا العادة هذه هههههه ومشألله بديت خبرة فى الكوزمتكس وطريقة وضع المكياج وهل الشئ هذا يمشى معاى او لا وهل هذا جودته ممتازه او جيدة او سيئة وهل قوامه يناسبنى او يناسب اى بشرة أحيانا فقط من الصور نزبط الشئ هذا شنى ومع ان مجالى طبى الا ان عشقى للشئ هذا غيرت مجالى المهنى وبديت فى دراسة الكوزمتكس والبشرة والشئ هذا افادنى جدا مع انى فى البدايات
المهم طولت عليكم :)
اول شئ حانتكلم عليه المصطلحات منزلتهم فى الفيس بوك والانستغرام ولكن حبيت انزلهم فى البلوج ونتبثهم فيها ولأن ليا هلبة عليها وأى استفسار فى أى شئ يخص المكياج او البشرة ممكن تراسلونى على الخاص 

مصطلحات المكياج 

 اهم مصطلحات المكياج:

البشرة : Skin : سكِن
دهني : Oily : أويلي
مختلطة : Combination : كومبينشن
جافة : Dry : دراي
عادية : Normal : نورمال
الُمهيئ : Primer = Base : برايمر = بيس (قبل الأساس وبعد المرطب)
أساس : Foundation : فاونديشن
بودرة : Powder : باودر
خافي العيوب : Concealer : كونسيلر
حمرة شفاة : Lipstick : لِب ستيك
ملمع شفاة : Lip Gloss : لِب قلوس/غلوس
مرطب : Moisturizer : مويسترايزر
حمرة خدود : Blush : بلش
بودرة خدود/وجه برونزية : Bronzer : برونزر
مطفي : Matte : مات
لمعة/بلمعة : Shimmer/Shimmery : شيمر/شيمري
حبيبات صغيرة/دقيقة عاكسة للضوء : Glitter : قليتر/غليتر
بودرة سائبة : Loose Powder : لوز باودر
بودرة مضغوطة : Compact Powder : كومباكت باودر
ظل العيون : Eye Shadow : آي شادو
ظل عيون سائب/متناثر : Pigment eyeshadow : بيقمنت/بيغمنت
ظل عيون عالي التصبغ/اللون : Highly Pigmented : هايلي بيقمنتد/بيغمنتد
كريم (قوام ثقيل/غني) للجفاف : Cream : كريم
كريم مخفف (قوام خفيف/يحوي ماء) للدهنية : Lotion : لوشن
غسول : Cleanser : كلينسر
قابض للمسام : Toner : تونر
قناع : Mask : ماسك
صنفرة/فرك : Scrub : سكرب
تقشير : Exfoliate : اكسفوليِيت
مسام : Pore : بور
الحواجب : Eye Brows آي برَاوز
مدمع العين : Tear Duct تير دت
الجفن الخارجي : Outer Lid اوتر لِد
الجفن الداخلي : Inner Lid إنر لِد
خط مدمع العين السفلي : Lower Waterline : لوِور ووترلاين
رموش العين : Eyelashes : آي لاشز
رموش اصطناعية : Fake Lashes : فَيْك لاشز
خط الرموش السفلية الداخلية : Inner Lower Lash Line إنر لووِر لاش لاين
خط الرموش السفلية الخارجية : Outer Lower Lash line آوتر لووِ لاش لاين
طبقات من المكياج : Cakey : كاكي
النحت : Contour : كونتور
اضاءة : Highlighit : هايلايت
عظام الخد : Cheek bones : شِيك بونز
الجبهة : Forehead فورهيد
فرشة المكياج : Makeup Brush : ميك اب برش
فرشة مائلة : Angled Brush : آنقلد برش
اسفنجة التوزيع : Blender Sponge : بلندر سبونج
فرشة التنقيط : Stippling Brush ستيبلينق/ستيبلينغ برش
تتميز بتوزيع الاساس السائل (بالتنقيط) لتمتصه البشرة ويعطيك مظهر طبيعي وتغطية حلوة
فرشة التلميع : Buffing Brush : بَفينق/بَفينغ برش
لتوزيع الاساس السائل والبودرة بحركات دائرية مع تحكم في التغطية وإزالة الزائد منه
ديوي لوك = مظهر ديوي : Dewy Look
يعني يعطى الوجه شكل رطب | كريمي، بحيث لما الاضائة  تجي على بشرتك بيعكس اضاءة لامعة في الاماكن الرطبة
ديوي Dewy:
-غالباً معناه (طبيعي) او اعطاء اضاءة للوجه
-الاشراقة (عكس الضوء) يكون في اماكن معينة (الرطبة)
-طبيعي اكثر من المطفي
يناسب البشرات العادية/الجافة
-البشرات الدهنية يدهنها اكثر مانفضلاش عليها
-يناسب اكثر البشرات من غير العيوب
وهذا مثال للديوي لوك:

مات فينيش = نهاية مطفية : Matte Finish
-ممتاز للبشرة الدهنية
-مافيشي لمعة ولا عاكس للضوء مثل الديوي
-ممكن الاستعمال الخاطئ للأساس المطفي يشكل طبقات على الوجه
-المستحضرات المطفية تعمل على امتصاص الدهون في الزجه المُسببة للمعة
-النهايات المطفية تطلق على الأساس والوان الشفايف وحمرة الخدود وغيرها
,وهذا مثال للمات فينيش:

نتمنى انكم استفدتو ماتنسوش تعليق وشير يسعدوني